The Knowledge Gateway

कठै नेपाली नेताहरुको बुद्धि देखेर पनि दया लागेर आउछ कहिले कहिँ त।‬ हेर्नुस न हालै संबिधान सभाको राज्य पुनर्संरचना समितिले बनाएको  संघिय राज्य हरुको नक्सांकन हेर्दा त मलाई त हाम्रा नेताहरुको बुद्धि देखेर डाको छोडेर रुन मन लाग्यो।‬ के गर्ने हामी सर्बसाधारणको जति पनि बुद्धि छैन भने त्यो पद र कुर्सि छाडेर कुटो कोदालो गरेर छोरा छोरी पालना गए हुन्छ गाउतिर।‬ बेकारमा जनताको रगत पसिनाले तिरेको करबाट तलब खाएर जागिरकै लागि मात्र किन सभासद् हुनु पर्यो र? हुन त म नेपालको सबै ठाउमा पुगेको छैन र सबै ठाउको भौगोलिक बनोट पनि थाहा छैन तर सामान्यतया मैले नेपालको भूगोल पढेकै आधारमा भन्ने हो भने पनि यो सिमांकन कति अब्यबाहारिक र असमानुपातिक छ कि एउटा राज्यको नागरिक उसको राजधानी पुग्न अर्को राज्यको सीमाभित्र पस्नु त सामान्य नै होला तर अर्को राज्यको राजधानी मै बास बसेर फेरी अर्को दिनभरि गाडी चढेर जानु पर्ने छ।‬ जनतालाई सुबिधा दिने नाममा जनतालाई नै मुर्गा बनाउने हाम्रा नेताहरुलाई अब हामीले पागल भन्नु बाहेक अरु के नै भन्न सक्छौ र? उदाहरणको लागि ताम्सालिंग, तमुवान वा मगरात राज्यलाई नै लिउ न. ताम्सालिंग राज्यका जनता आफ्नो राजधानी चौतारा पुग्न नेवा राज्यको राजधानी काटेर कैयौ  कोष टाढा चौतारा पुग्नु पर्ने भयो।‬ तमुवान अन्तर्गत मुस्तांग का जनता आफ्नो राजधानी पोखरा आइपुग्न मगरात राज्यको म्याग्दी,बाग्लुंग र पर्बत तिन  जिल्ला काटेर पोखरा आइपुग्नु पर्ने भयो।‬ अनि बाग्लुंग म्याग्दी र पर्बत जस्ता मगरात राज्यका जनता आफ्नो राजधानी तानसेन पुग्न तमुवान राज्यको राजधानी पोखरामा एकदिन बास नै बस्नु पर्ने भयो………..