म्याग्दी जिल्ला अन्नपुर्ण गाउँपालिका वडा नम्बर ३ दानाका निर्मल पुर्जा सहित १० जनाको नेपालि टोलि विश्वको दोश्रो सर्बोच्च शिखर \’ माउन्ट केटु \’ को सफल आरोहण गर्न सफल भएकोमा प्रधानमन्त्री खड्ग प्रसाद ओलीले बधाई दिनु भएको छ। आफ्नो जीवन नै जोखिममा राखेर राष्ट्रको नाम उचो राख्न सफल भएकोमा प्रधानमन्त्री ओलीले आफ्नो निवासमा आयोजित एक कार्यक्रममा बधाई दिनु भएको हो।
प्रधानमन्त्री ओलीले विश्वका जति पनि शाहसिक काम छन् ति सबै पुरा गर्न नेपालीहरु सक्षम रहेको र नेपालीहरु बहादुर छन् भनेर चिनाउन अब कुनै परिक्षा गरिरहन आवस्यक नरहेको कुरा बताउनुभयो। प्रम ओलीले अरु देशका पर्वतारोहिहरु साना साना पहाड र हिमालहरुमा अभ्यास गर्दै गर्दै गएर ठुला ठुला हिमालहरुमा आरोहण गर्ने भए पनि हामि नेपालीहरुलाई भने जुन हिमाल पनि हिउको थुप्रो जस्तो मात्र लाग्ने कुरा बताउदै अझ प्रधानमन्त्रीले नै हिमाल चढेको भए त देशको परिचय नै बेग्लै हुने बताउनुभयो।
बधाई तथा सम्मान कार्यक्रममा बोल्दै आरोहण दलका प्रमुख निर्मल पुर्जाले आफु आफ्नो देशमा सम्मानित हुने मात्र नभै देशको नामलाई विश्वसामु चिनाउने काममा सानो भए पनि योगदान पुर्याउन पाएकोमा आफु अत्यन्त हर्षित र उत्साहित भएको बताउनुभयो।
