बेनि म्याग्दी । बिबिसीले प्रकाशित गरेको विश्वभरका एक सय प्रभावशाली महिलाको सुचिमा पर्न सफल भएकी म्याग्दीकी सपना रोका लाई म्याग्दी प्रवासी नेपाली संघ (MONA) युकेले आईतबार काठमाडौंमा एक कार्यक्रमको आयोजना गरि सम्मान गरेको छ। मोना युके को तर्फबाट सल्लाहकार क्याप्टेन जित बहादुर घर्तिले ६ लाख रुपैयाँ र सम्मानपत्र सहित सम्मान गरेका हुन।
![\"\"](\"http://aabhaash.com/wp-content/uploads/2021/02/A829D22D-E172-4FFA-844C-25950B1550B4.jpeg\")
हालसालै बिबिसीद्वारा प्रकाशित विश्वका एक सय प्रभावशालि महिलाको सुचिमा म्याग्दीको मंगला गाउँपालिका –४ बरंजा बुकेनीकी सपना रोका पर्न सफल भएपछि उनि एकाएक चर्चित भएकी थिईन। कलिलै उमेरमा पवित्र र साहसि काम मार्फत म्याग्दी र समग्र देशकै गौरव बढाएको भन्दै सपनालाई बधाई सहित सम्मान गरिएको मोना युकेका महासचिव लालु पुनले जानकारी दिए। जुम मार्फत संचालन भएको कार्यक्रममा बोल्दै सपनाले सम्मानप्रति मोना युके लगायत युकेबासी म्याग्देलि र गैर म्याग्देलि सबैलाई धन्यवाद तथा आभार व्यक्त गरेकी थिईन।उनले यो सम्मानबाट आफुलाई समाजबाट तिस्कृत र वेवास्ता गरिएकाहरुको सेवामा लाग्न अझ बढि जिम्मेवारी महशुस भएको बताएकी थिईन।
