नॅया बर्ष २०७८ को सुअवसरमा म्याग्दी जिल्लाको प्रशिद्ध पर्यटकिय स्थल अन्नपुर्ण गाँउपालिका वडा नम्बर ६ घोरेपानिमा बृहत खेलकुद प्रतियोगिताकोआयोजना हुने भएको छ। मनमोहक पर्यटकिय स्थल घोरेपानिको प्रमुख आकर्षणको रुपमा रहेको पुनहिल टावरका संस्थापक अग्रणि समाजसेवि स्वर्गिय मेजर टेक बहादुर बुद्धुजा पुन मगरको स्मृतिमा यहि बैशाख १ हतेदेखि ५ गते सम्म ‘स्व. मेजर टेक बहादुर पुन स्मृतिकप २०७८’ को आयोजना हुन लागेको कुरा स्थानिय पुनहिल क्लव घोडेपानिले जनाएको छ।
![\"\"](\"http://aabhaash.com/wp-content/uploads/2021/03/E8F98242-7A89-4A34-A025-5BE6D75E7E22.jpeg\")
प्रतियोगितामा पुरुष बास्केटबल, पुरुष भलिबल, महिला भलिबल र आर्चरि ( तारो खेल ) लगायतका खेलहरु समावेस गरिएका छन।पुरुष बास्केटबल तथा पुरुष भलिबलमा प्रथम र द्वितिय हुने टिमलाई शिल्ड, मेडल र प्रमाणपत्रको साथमा क्रमश: रु. ५०,००००/- र रु. ३०,०००/-प्रदान गरिने छ। त्यस्तै गरि महिला भलिबलमा प्रथम र द्वितिय हुने टिमहरुलाई शिल्ड, मेडल र प्रमाण पत्रको साथमा नगद रु. ३०,०००/- र २०,०००/- प्रदान गरिने छ भने आर्चरी (तारो) खेलमा प्रथम द्वितिय र तृतिय हुनेहरुलाई शिल्ड, मेडल र प्रमाण पत्रको साथमानगद रु. ३०,०००/-, २०,०००/- र १०,०००/- प्रदान गरिने छ।
प्रतियोहितमा सहभागि हुन चाहाने टिमहरुले यहि चैत्र ३१ गते भित्र टिम दर्ता गराईसक्नु पर्ने कुरा आयोजक पुनहिल क्लवले जनाएको छ।
