दोहा – कतारमा रहेका नेपाली नागरिकलाई ई–ठगीबाट बच्न नेपाली दूतावासले आग्रह गरेको छ । टेलिफोन नम्बरहरुबाट सम्पर्क गरीविभिन्न बहानामा आफ्ना वैयक्तिक जानकारीहरु लिने र त्यसको दुरुपयोग गरी बैंक खाताबाट अनधिकृत रुपमा पैसा झिक्ने गरेकागुनासा आएको भन्दै त्यसतर्फ सतर्क रहन कतारमा रहेको नेपाली दूतावासले आग्रह गरेको हो ।
व्यक्ति स्वयंले एटिएम कार्डको पिन कोड वा बैंकबाट प्राप्त ओटीपी नम्बर जस्ता सूचना कसैलाई दिएर त्यसको दुरुपयोग गरी खाताबाटपैसा झिकिएमा कुनै कारबाही गर्न नमिल्ने त्यहाँका बैंकहरुले जनाएका छन् ।
त्यसैले आवश्यक परेको अवस्थामा यस्ता विवरण आफै उपस्थित भएर उपलब्ध गराउन पनि दूतावासको अनुरोध छ । कतारको प्रहरी, गृह मन्त्रालय लगायत सरकारी निकाय तथा कतारमा रहेका बैंकहरुले टेलिफोनमार्फत एटिएम कार्डको पिन कोड वा ओटीपी कोडलगायत वैयक्तिक विवरण माग्ने नगरेको दूतावासले जनाएको छ ।
यदि कसैले फोन गरेर वा अन्य माध्यमबाट यस्ता वैयक्तिक विवरणहरु मागेमा कतारको गृह मन्त्रालयको फोन नम्बर २३४७४४४ वा६६८१५७५७ मा सम्पर्क गर्न वा सम्बन्धित् बैंकलाई जानकारी गराउन दूतावासले आग्रह गरेको छ ।
