काठमाडौं : वित्तीय प्रविधि कम्पनी सीएमटीले डिम्याट ट्रयाकिङ सफ्टवेयर (डीटीएस) सञ्चानमा ल्याएको छ । वेब प्रविधिमा आधारित डीटीएसमार्फत ब्रोकर तथा मर्चेन्ट बैंकका ग्राहकले जुनसुकै स्थानबाट खाता खोल्न सक्ने र डिजिटल भुक्तानी गरी डिम्याट खाता नवीकरण गर्नसक्ने कम्पनीले जनाएको छ । यस्तै, डिम्याट खाताको नवीकरण स्थिति र मेरो सेयर सदस्यताको अवस्था सम्बन्धी जानकारी पनि लिन सकिन्छ ।
कम्पनीका अनुसार डीटीएस सफ्टवेयरमार्फत डिम्याट खाता र मेरो सेयर नवीकरण गर्नुपर्ने आगामी मितिका बारेमा एसएमएस तथा इमेलबाट नोटिफिकेसन पनि पाउन सकिनेछ । यस्तै, डिम्याट खाता र मेरो सेयरको नवीकरणका लागि अनलाइन भुक्तानी लिन सकिनेछ । हाल निक्षेप सदस्यता लिएका १८ वटा ब्रोकर कम्पनी र ८ वटा मर्चेन्ट बैंकले यस सफ्टवेयरको प्रयोग गरिरहेको कम्पनीले जनाएको छ ।
