नेपाल धितोपत्र बोर्डले वैदेशिक रोजगारीमा रहेका नेपालीका लागि आइपीओमा आवेदन दिंदा आउन सक्ने जिज्ञासाहरुको जवाफ दिएको छ । धितोपत्र बोर्डले वैदेशिक रोजगारीमा रहेका नेपालीका लागि आइपीओमा कस्तो व्यवस्था छदेखि कसरी आवेदन दिनेसम्मको कुराहरुलाई सहज बनाउन प्रश्नउत्तरको रुपमा जिज्ञासाहरुको समाधान गर्ने प्रयास गरेको छ ।
स्वदेशमा रेमिट्यान्स भित्र्याउनका लागि प्रवर्द्धन गर्ने उद्देश्यले सरकारले वैदेशिक रोजगारमा रहेकालाई आइपीओको कोटा छुट्याउने व्यवस्था गरेको छ । सर्वसाधारणका लागि छुट्याइएको आइपीओबाट १०% वैदेशिक रोजगारीमा रहेकालाई आरक्षण गरिन थालेको हो ।
सोहीअनुसार कालिन्चोक दर्शनले पहिलो पटक वैदेशिक रोजगारमा रहेकालाई आइपीओ जारी गरेको थियो । पछिल्लो समय आइपीओ जारी गर्ने सबै कम्पनीहरुले वैदेशिक रोजगारमा रहेकालाई आइपीओमा कोटा छुट्याउदैं आएका छन् ।
