The Knowledge Gateway

पोखरा: गण्डकी प्रदेश सरकारले सोमबार आगामी आर्थिक वर्ष २०७७–०७८ का लागि नयाँ बजेट सार्वजनिक गरेको छ । नयाँ बजेटको आकार ३४ अर्ब ८४ करोड २१ लाख ६० हजार रुपैयाँ बराबरको रहेको छ । यो बजेटको आकार चालु आर्थिक वर्षको भन्दा २ अर्ब ७० करोड ७३ लाख ६८ हजार रुपैयाँले धेरै हो ।

यस प्रदेशका आर्थिक मामिला तथा योजनामन्त्री किरण गुरुङले सोमबार प्रदेशसभामा बजेट सार्वजनिक गर्दै चालुतर्फ १४ अर्ब ३४ करोड ५६ लाख ८४ हजार (४१.२ प्रतिशत) र पुँजीगततर्फ १९ अर्ब ९९ करोड ९४ लाख ७६ हजार (५७.४) प्रतिशत रुपैयाँको बजेट सार्वजनिक गरेका हुन् । खर्च कटौती, कोरोना संक्रमणबाट राहत दिने, रोजगारी सिर्जना तथा कृषि प्रवद्र्धनतर्फ बजेट केन्द्रित रहेको जानकारी दिइएको छ ।