-प्रताप विष्ट
हेटौंडा, यहाँका एक दलालले तीन युवतीसहित आफ्नै श्रीमतीलाई भारत पुर्याएर बिक्री गरेका छन् । बसामाडी गाविस-२ की २४ वषर्ीया शोभा श्रेष्ठ, उनकी २० वषर्ीया बहिनी ठुलीमाया लामा, १६ वषर्ीय उमा लामा र १६ वषर्ीया सरिता लामालाई पदमपोखरी गाविसका चेतबहादुर तामाङले एक महिनाअघि भारतको बेश्यालयमा भारु ८० हजारका दरले बिक्री गरेका हुन् । चेतबहादुर नातामा शोभा, ठुलीमाया र उमाका काका र सरिताका पति हुन् । भारत घुम्न जाने भनी चारैजनालाई हेटौंडाको होटलमा राखेर तामाङले रक्सौल हँुदै भारतको आग्रास्थित बेश्यालयमा तीनजनालाई र शोभालाई पुनाको बेश्यालयमा बिक्री गरेका थिए ।पुनाको बेश्यालयमा बिक्री गरिएकी शोभा चर्पीर्को जाली तोडेर भागेर मंगलबार हेटौंडा आएपछि बेश्यालयमा उनीहरूलाई बिक्री गरेको खुलासा भएको हो । शोभा बेश्यालयबाट भाग्न सफल भएपछि सुनौली हुँदै हेटौंडा आएकी हुन् । जाली तोड्ने क्रममा उनको हातभरि घाउ छ । काकाको विश्वासमा पर्दा झन्डै जीवन बर्बाद भएको उनले भनिन् । अरू तीन बहिनीहरू आग्राको बेश्यालयमा छन् ।उनीहरूको उद्धार गर्न उनले शुक्रबार माइती नेपाल हेटौंडालाई निवेदन दिएकी छन् । तामाङले चारैजनालाई भारतमा पाए जागिर खाउला, नपाए घुमेर आउला भनेर हेटौंडाबाट लगेको शोभाले बताइन् । बेश्यालयको पीडा सम्झँदै उनले भनिन्, \’त्यो नरककुण्डको कुरा नगरौं ।\’ महिलाहरूल्ााई बिक्री गर्ने दलाल चेतबहादुर पदमपोखरी घर भए पनि काठमाडौंमै बस्ने भएकाले कारबाही र उद्धारको प्रक्रियाअघि बढाउन माइती नेपाल हेटौंडाले पहल सुरु गरेको छ ।
