सिन्धुपाल्चोक जिल्लाको चौतारामा ‘सिन्धु साहित्य समाज’ ले भारतीय मूलका अमेरिकी नागरिक तथा अमेरिकी लेखक फरिद जाकरियादले लेखेको ‘द पोस्ट अमेरिकन वर्ल्ड’ नामक पुस्तक जलाइदिएका छन्। सो पुस्तकमा भगवान् बुद्ध भारतीय हुन् र बुद्धत्वको प्रादुर्भाव पनि भारतमा नै भएको भनी भ्रामक प्रचारबाजी गरेर लेखिएका कारण पुस्तक जलाएको सिन्धु साहित्य शृङ्खलाका अमित घिमिरेले बताए। उनले नेपाल र नेपालीहरुको स्वाभिमानमाथि नै आँच आउने कुरालाई लिएर नेपालीहरुले विरोध नगरेकाले आफूहरुले यसको सुरुवात गरेको बताउनुभयो। त्यस्तै सोही शृङ्खलाका साहित्यकार कला अनुरागीले नेपालको सन्दर्भमा भारतीय शासकवर्गहरुले नियोजित रुपमा नै यस्ता कुराहरु पटकपटक उठाइरहेका छन्, जाकरियाद्वारा लेखिएको सो पुस्तक पनि त्यसकै एउटा शृङ्खला हो भन्दै यस्तो बेला सबै सचेत लेखकहरु एक भएर यसका विरुद्ध लाग्नुपर्ने बताए। रासस
यसका लेखकको फेसबुक यहाँ छ
http://www.facebook.com/pages/Fareed-Zakaria/112791451329
सबै नेपाली मिलेर विरोध गरौँ यसबारे। तर सभ्य भाषामा है। तपाईँको प्रत्येक शब्दले पूरै नेपालीको प्रतिनिधित्व गरिरहेको हुन्छ
तलको कान्तिपुरबाट साभार-
फरिद जाकरिया सुपरिचित अमेरिकी लेखक तथा राजनीतिक विश्लेषक हुन् । अमेरिकाबाट प्रकाशित हुने न्युजविक साप्ताहिकका सम्पादक, अन्तर्राष्ट्रिय गतिविधिका नियमित लेखक तथा अमेरिकी टेलिभिजन च्यानल सीएनएनका सञ्चालक पनि । द पोस्ट अमेरिकन वल्र्ड’ पुस्तकमा १ सय ५४ पृष्ठको अन्तिम प्याराग्राफमा गम्भीर र आपत्तिजनक प्रसंग जाकरियाले ‘हिन्दुविश्व दृष्टिकोण’ भन्ने उपशीर्षक अन्तर्गत लेख्छन्, ‘बुद्ध भारतीय थिए र बुद्धिजम भारतमा पत्ता लगाइएको थियो तर त्यो देशमा वास्तवमा कुनै बुद्धिस्ट छैनन् । बुद्ध दर्शनका लागि नेपाल आउने लाखौं कोरियन, इन्डोनेसियाली, चाइनिज, जापानी, थाई वा संसारको जुनसुकै देशका बौद्धिस्टहरूले जाखरियाको यो किताब पढेपछि के भन्लान् ? तर जे भए पनि बुद्धबारे कम जानकारी राख्ने बाँकी विश्वमा जाकरियाको त्यो भनाइले ठूलो भ्रम सिर्जना गरेको छ । जान वा अञ्जानमा लेखिएको उक्त वाक्यलाई जाकरियाले फिर्ता लिनुपर्छ । आगामी संस्करणमा त्यसलाई सच्चाउनुपर्छ । उनीजस्तो जिम्मेवार बौद्धिक व्यक्तित्वले नेपाली जनता र विश्वबौद्धिक समुदायसामु गल्ती लेखिन गएकोमा क्षमायाचना गर्नुपर्छ । के फरिद जाकरिया त्यसका लागि तयार होलान् ?एक सामान्य मानिसको अज्ञानताबाट बुद्ध भारतीय हुन् भन्ने लेखिएको भए त्यसलाई गम्भीर रूपमा उठाउनुपर्ने थिएन । विश्वको चर्चित मिडियाका जिम्मेवार र चर्चित व्यक्तिले आधिकारिक रूपमा विश्वसामु पस्केको गल्तीको पुलिन्दालाई चुपचाप सहन मन मानेन । अमेरिकी मिडियामा गोएवल्स शैलीको वर्चश्व रहने गरेका छ । अमेरिकी मिडियामा काम गर्ने संसारको जुनसुकै देशमा जन्मेको भए पनि त्यो शैलीको प्रभाव पर्नु स्वाभाविकै हो । गौतम बुद्ध साँच्चै भारतीय हुन् भनेर प्रमाणित गर्न जाकरिया तयार छन् । यदि त्यसो होइन भने र उनी जिम्मेवार लेखक, विश्लेषक र पत्रकार हुन् भने उनले विश्वसामु आफ्नो मिडियामार्फत भूल स्वीकार गरेर आफ्नो इमानदारी प्रकट गर्ने साहस गर्नुपर्छ । के त्यो सम्भव होला ?
