![\"\"](\"http://aabhaash.com/wp-content/uploads/2020/07/Mountain-3.jpg\")
म्याग्दी जिल्लाको अन्नपूर्ण गाउपालिका वडा नम्बर ४ नारच्याङ्ग स्थित निलगिरी खोलाबाट ३८ मेगावाटको जलविधुत आयोजना निर्माण गरिरहेको माउन्टेन इनर्जी नेपालले यहि साउन ८ गतेबाट १९ करोड ६८ लाख २ हजार ७ सय रुपैयाँ बराबरको आइपिओ खुला गर्ने भनिएकोमा देशभर जारी बाढी पहिरोका कारण जनजीवन अस्तव्यस्त बनेको भन्दै कम्पनीले अर्को सूचना जारी नभएसम्मका लागि आइपीओ बिक्री कार्य स्थगित गरेको छ।
यसअघि माउन्टेनले म्याग्दी र नुवाकोट जिल्लाको आयोजना प्रभावित क्षेत्रका स्थानीय बासिन्दाका लागि बिहीबारबाट १९ करोड ६८ लाख २ हजार ७०० रुपैयाँ बराबरको १९ लाख ६८ हजार २७ लाख कित्ता सेयर बिक्री खुला गर्न लागेको थियो । अहिलेलाई स्थगित गरिएकाले अब फेरि अर्को सूचना आएपछि मात्र स्थानीय बासिन्दाले यो आइपीओ भर्न सक्नेछन् । स्थानीयलाई बिक्री गरिसकेपछि सर्वसाधारणका लागि खुला हुनेछ ।
कम्पनीले दोस्रो चरणमा सर्वसाधारणका लागि पनि १९ लाख ६८ हजार २७ लाख कित्ता नै आइपीओ निष्कासन गर्नेछ । माउन्टेनले म्याग्दीको निलगिरी खोलामा ३८ मेगावाटको जलविद्युत आयोजना निर्माण गरिरहेको छ । यस कम्पनीमा गोयल समूहको मुख्य लगानी रहेको छ ।
