५० कित्ता वा त्यो भन्दा बढि कित्ताको लागि आवेदन दिएकाहरुले करिब ५० कित्ता र त्यो भन्दा कम कित्ताको लागि आवेदन दिएकाहरुले माग गरे जति पुरै कित्ता सेयर पाउने देखिएको छ ।
काठमाडौं : नेपाल इन्फ्रास्ट्रक्चर बैंकको आइपीओ शुक्रबार (माघ १६ गते) बाँडफाँट गर्ने तयारी गरिएको छ । बिक्री प्रबन्धकएनआइबीएल एस क्यापिटलका अनुसार बुधवार अर्थात हिजो माघ १४ गते नै प्री–अलोटमेन्टको काम सम्पन्न भैसकेको छ। अब शुक्रबारबिहान १० बजे नेपाल धितोपत्र बोर्डमा बाँडफाँड गर्नका लागि डकुमेन्ट बुझाइने छ । बोर्डबाट सोही प्रस्ताव अनुमति भएमा शुक्रबार बिहान१० बजे बाँडफाँट हुनेछ ।
नेपाल इन्फ्रास्ट्रक्चर बैंकको आइपीओमा हालसम्मकै उच्च १५ लाख ५० हजार ९१ जनाले आवेदन दिएका छन् । जसमा १८ करोड २७लाख ९९ हजार ९५० कित्ताका लागि आवेदन परेको छ । कुल १८ अर्ब २७ करोड ९९ लाख ९५ हजार रुपैयाँ बराबरको आवेदन परेको हो। भेरिफाइ गर्दा यसमा केही हेरफेर भएको बिक्रि प्रबन्धकको भनाई छ । जारी सेयर कित्ता र आवेदकहरुको संख्या हेर्दा, ५० कित्ता वात्यो भन्दा बढि कित्ताको लागि आवेदन दिएकाहरुले करिब ५० कित्ता र त्यो भन्दा कम कित्ताको लागि आवेदन दिएकाहरुले माग गरे जतिपुरै कित्ता सेयर पाउने देखिएको छ ।
बैंकले माघ २ गतेदेखि माघ ६ गतेसम्म सर्वसाधारणका लागि ७ करोड ५८ लाख ४० हजार कित्ता आइपीओ खुला गरेको हो । कम्पनीलेकुल ८ करोड कित्ता सेयरमध्ये ०.२०% अर्थात १ लाख ६० हजार कित्ता सेयर कर्मचारीहरुका लागि र ५% ले हुने ४० लाख कित्ता सेयरसामूहिक लगानी कोषलाई छुट्याएर बाँकी सेयर सर्वसाधारणमा जारी गरेको हो । यसमा बिक्री प्रबन्धकको काम एनआइबीएल एसक्यापिटलले गरेको छ ।
