गण्डकि प्रदेशका अधिकाशं जिल्लाहरुमा मंगलबार बेलुका भूकम्पको धक्का महशुस भएको छ ।
मंगलबार बेलुका ९ बजेर ५८ मिनेट जॅादा सर्वसाधारणहरुले महशुस गरेको भुकम्पको केन्द्रबिन्दु मनाङको नार क्षेत्र रहेको बताईए पनि भूकम्पको धक्का भने हिमाली क्षेत्रसँगै पश्चिम नेपालका पोखरा र बुटवल लगायतका शहरहरुमा समेत महशुस भएको थियो ।
राष्ट्रिय भूकम्प मापन केन्द्रका प्राविधिक राजेश शर्माले यसको सामान्य धक्का काठमाण्डौमा समेत महशुस भएको बताए ।
खासगरि बाग्लुङ,पर्वत ,लमजुङ, गोरखा, म्याग्दी लगायतका क्षेत्रमा भूकम्पको बढि धक्का महसुस गरिएको ती जिल्लास्थित सर्वसाधारणहरुले सामाजिक सन्जालहरु मार्फत जानकारी गराएका छन ।
