प्रधानमन्त्री एवं नेकपा ओली समुहका अध्यक्ष खड्ग प्रसाद ओली आज पार्टी समुहको लुम्बिनी प्रदेशले आयाेजना गर्न लागेकाे सभालाई सम्बोधन गर्न आज बिहान बुटवल पुगेका छन। आजकाे सभा ऐतिहासिक हुने नेकपा ओली समुहका नेताहरूले बताएका छन्। लाखाैं जनता सभामा सहभागी हुने कुरा उक्त समुहका नेता एवं लुम्बिनी प्रदेशका मुख्यमन्त्री शंकर पाेखरेलले सामाजिक संजालाहरुमार्फत बताइउदै आएका छन्।
सभाको पूर्वसन्ध्यामा नेकपाका युवा इन्चार्ज महेश बस्नेतकाे नेतृत्वमा युवा तथा विद्यार्थीहरुले मोटरसाइकल र्याली निकालेका थिए। उनीहरूले बुटबलका विभिन्न ठाउँमा मार्चपास समेत गरेका थिए । आफै सरकारमा रहेको पार्टी र समुहले किन र के का लागि सभाहरु आयोजना गरिरहेको छ भनेर सर्वसाधारणहरुले प्रतिप्रश्न गर्ने गरेको भए पनि नेकपाको ओली समुहले यसअघि नै संघिय राजधानी काठमाण्डौ लगायत लुम्बिनी प्रदेशको राजधानी दाङको राप्ती उपत्यका, धनगढी, चितवन सभा गरिसकेको छ।
