नेपाल कम्युनिष्ट पार्टी (नेकपा ) म्याग्दी काठमाण्डौ सम्पर्क मंचका पूर्व अध्यक्षहरुले आज एक बक्तब्य जारि गर्दै सम्पूर्ण न्यायप्रेमी, लोकतन्त्रवादी र प्रगतिशील म्याग्देलीहरुलाई प्रतिगमनको बिरुद्ध र संबिधान तथा लोकतन्त्रको पक्षमा एकताबद्ध हुन अपिल गर्नुभएको छ। लामो समय म्याग्दीको वामपन्थी र बिशेष गरि तत्कालिन नेकपा एमालको राजनीतिमा आफ्नो जीवनका उर्जाशील समय बिताएका र बुद्धिजीवी तथा परिपक्क नागरिकको छवि बनाएका तत्कालिन नेकपा एमालेको म्याग्दी काठमाण्डौ सम्पर्क मंचका पूर्व अध्यक्षहरु प्राध्यापक डाक्टर एच बि बरुवाल, शोभियत खड्का, याम बहादुर श्रेष्ठ, याम बहादुर गर्बुजा र पदमलाम सापकोटा लगायतले संयुक्त बिज्ञप्ति मार्फत सो अपिल गर्नुभएको हो।
गत पौष ५ गते प्रधानमनत्री तथा नेकपा ओली समुहका अध्यक्ष खडग प्रसाद ओलीको सिफारिसमा राष्ट्रपति बिधादेवी भण्डारीले प्रतिनिधि सभा बिघटन भएको बिज्ञप्ति जारि गरेपछि नेकपा र पुरै देश स्पष्ट रुपमा यसको पक्ष र बिपक्षमा विभाजित हुन पुगेको थियो। नेकपाको ओली पक्ष बाहेक सम्पूर्ण राजनैतिक दल, बुद्धिजीवी, कानुन ब्यबसायी र सर्बसाधारणहरुले कुनै न कुनै रुपमा प्रतिनिधि सभा बिघटनको कदमकोबिरोध गर्दै आइरहेका छन्। प्रतिनिधि सभा बिघटनको घोषणा संविधानको भावना र मर्म बिपरित रहेको भन्दै कानुनबिदहरु र राजनीतिकर्मीहरुले सर्बोच्चमा दायर गरेको मुद्धामा हाल सर्बोच्च अदालतमा बहस पैरवी चलिरहेको छ।
स्मरण रहोस केहि समय अघि मात्र चार पूर्व प्रधान न्यायधिस र त्यसको लगत्तै नेपाल बारका पूर्व अध्यक्षहरुले समेत प्रतिसभा बिघटन र प्रम ओलीका गतिबिधि तथा अभिव्यक्तिहरु संबिधान बिपरित र आपत्तिजनक रहेको भन्दै छुट्टाछुटै बिज्ञप्ति जारि गर्दै समन्धित निकायको ध्यानाकर्षण गराउनुभएको थियो।
बक्तब्यको पूर्णपाठ यस प्रकार रहेको छ :
![\"\"](\"http://aabhaash.com/wp-content/uploads/2021/02/Press-Bigyapti.jpg\")
