पोखरेबगर म्याग्दी। म्याग्दीको अन्नपूर्ण–५ खोपारामा सहकारी होटल सञ्चालनमा आएको छ । जिल्लामा व्यवसायिक पर्यटन गतिविधिसञ्चालन गर्ने उद्देश्यले उद्धार पर्यटन सहकारी संस्थाद्वारा उक्त होटल सञ्चालनमा ल्याइएको हो ।
अन्नपूर्ण –५ खोपारामा ४० जना क्षमताको २० कोठे सुविधासम्पन्न होटल सञ्चालन ल्याइएको होटल सञ्चालक तथा उद्धार पर्यटनसहकारीका अध्यक्ष राजेश तिलिजा पुनले जानकारी दिए ।
सहकारी मार्फत सञ्चालनमा ल्याइएको उक्त होटल नेपालकै पहिलो र नयाँ अवधारणामा ल्याइएको होटल भएको अध्यक्ष पुनको भनाईछ ।
त्यसो त सहकारीले पर्यटनको लाभ समुदायमा पु¥याउने उद्देश्यले नै अन्नपूर्ण संरक्षित क्षेत्र पदमार्गमा सो होटल सञ्चालनमा ल्याएको हो। यसको कन्सेप्टर अर्थात् अवधारणाकार राष्ट्रिय आविष्कार केन्द्रका अध्यक्ष महावीर पुन हुन् ।
‘हामीले राष्ट्रिय आविष्कार केन्द्रका अध्यक्ष महावीर पुनको अवधारणा अनुसार नेपालमै पहिलो सहकारीबाट होटल चलाएका हौं ।यसको लाभ समुदायमा नै वितरण गर्ने हाम्रो साझा लक्ष्य हो’ पुनले भने ।
अध्यक्ष पुनका अनुसार होटल सञ्चालनसँगै अन्नपूर्ण क्षेत्रको पाउद्वारलाई केन्द्रित गर्दै वरपरका पर्यटकीय स्थलहरूलाई समेत समेटेरनयाँ पदमार्ग सञ्चालन गर्ने योजना सहकारीले बनाएको छ । । यसअघि पाउद्वार मावि र हिमाञ्चल माविले खोपारा लेकमा सञ्चालनगर्दै आएको सामुदायिक होटललाई सहकारी मातहत ल्याइएको हो ।
होटलका संरचनाको मूल्यांकन गरेर २५ प्रतिशत पाउद्वार माविका निजी स्रोतका शिक्षकको तलबका लागि अक्षयकोष बनाउने सम्झौतासमेत भएको छ ।
अन्नपूर्ण गाउँपालिकामा पहिलो पटक दर्ता भएको सहकारीमा हाल पाउद्वारका एक सय २३ जनाले ८८ लाख रुपैयाँ सेयर लगानी गरेकाछन् । गाउँमा बचत, ऋण लगानी र आर्थिक क्रियाकलापका साथै होटलमा जनशक्ति परिचालन गर्नेदेखि आम्दानी खर्चको विवरण सबैसहकारी मार्फत गरिने सहकारीले बताएको छ । श्रोत:रातोपाटी
