– संवाददाता
सदनको गतिरोध अन्त्यका लागि एकीकृत नेकपा माओवादी र नेकपा एमालेबीच आज भएको छलफल विना निष्कर्षसकिएको छ । माओवादी संविधानसभा दलको कार्यालय सिंहदरवारमा भएको छलफलमा नेताहरुले आ-आफ्नो अडान नछोडेपछि निष्कर्षा पुग्न नसकेको हो ।
Your Ad Here
दुई दलबीच भोलि फेरि बैठक वसेर सहमतिको नयाँ उपाय खोज्ने सहमति भएको छ । प्रधानसेनापति प्रकरणमा राष्ट्रपति कदमको विरोध गर्दै माओवादीले संसद अवरुद्ध गर्दै आएको छ । सदनको गतिरोध अन्त्य गर्न माओवादी र एमालेबीच ललितपुरको गोदावरीमा भएको सहमति काँग्रेसले नमानेपछि गतिरोध अन्त्य हुन सकेको छैन । गएको चैत १६ गतेदेखि शुरु भएको संसदको चालु अधिवेशन अन्त्य गरेर बजेट अधिबेशन आव्हान गर्ने समय भइसक्दा समेत सदन चल्ने संकेत देखिएको छैन ।
Your Ad Here
यसैबीच सदनको गतिरोध अन्त्य गर्ने विषयमा पहल गर्न एमालले ५ सदस्यीय वार्ता टोली बनाएको छ । प्रधानमन्त्री माधवकुमार नेपालले महासचिव इश्वर पोख्रेलको संयोजकत्वमा वार्ता टोली बनाउनुभएको हो । टोलीमा एमाले प्रमुख सचेतक भिम आचार्य, सचिव शंकर पोखरेल र विष्णु पौडेल तथा प्रधानमन्त्रीका राजनीतिक सल्लाहकार नेता रघुजी पन्त सदस्य हुनुहुन्छ ।
