![\"\"](\"http://aabhaash.com/wp-content/uploads/2020/06/IPO.jpg\")
यहि २०७७ असार १४ गते सम्म लगानीकर्ताहरुले लगानी गर्ने मिल्ने गरि एनआइसी एसिया लघुवित्त वित्तीय संस्थाको ४७ करोड ५५ लाख बराबरको आइपीओ आज बुधबार (असार १० गतेबाट) निष्कासन खुला भएको छ । कम्पनीले १०० रुपैयाँ दरमा ४७ लाख ५५ हजार कित्ता आइपीओ बिक्री खुला गरेको हो । पुर्व निर्धारित अवधिमा सबै शेयर बिक्री नभएमा ढिलोमा असार २४ गतेसम्म बिक्री खुला रहने बताइएको छ।
यो लघुवित्त क्षेत्रकै हालसम्मकै सबैभन्दा ठूलो आइपीओ हो । यस आइपीओमा न्यूनतम १० कित्तादेखि अधिकतम २ लाख कित्तासम्म आवेदन दिन सकिनेछ । हालसम्म कुनै पनि लघुवित्त कम्पनीहरुले यति धेरै रकम बराबरको आइपीओ निष्कासन गरेका छैनन् । यस लघुवित्तको आइपीओलाई केयर रेटिङ नेपालले औषत भन्दा कम आधार जनाउने ग्रेड ४ प्लस रेटिङ दिएको छ ।
मेरो सेयर प्रयोगकर्ताले मेरो सेयरमार्फत आवेदन दिन सक्नेछन् । साथै यसमा नेपाल धितोपत्र बोर्डबाट स्वीकृत प्राप्त गरेका सम्पूर्ण सी–आस्वा सदस्य बैंक तथा वित्तीय संस्थाबाट पनि आवेदन गर्न सकिनेछ । हाल यस संस्थाको चुक्ता पुँजी १ अर्ब ४५ लाख रुपैयाँ रहेको छ । चालु आर्थिक वर्षको तेस्रो त्रैमाससम्म आइपुग्दा यसले १२ करोड २७ लाख ८४ हजार रुपैयाँ नाफा कमाएको छ ।यसमा बिक्री प्रबन्धकको काम सानिमा क्यापिटलले गरेको छ ।
